Shillong, Naitung 24: Mynta ka sngi u myntri rangbah ka jylla u Conrad K Sangma u la ia kynduh ia ki seng bhalang bapher bapher ha Tura bad ia ki nongialam jong ki seng kiba pynlong ia ka jingiakhih ban dawa ban pynioh ia ka nongbah tlang jong ka jylla ha Tura kaba ki pynlong da ka jingshah thngan.
Ka jingiakren kala iaid beit iaid ryntih baroh shisngi ha ka jingiakynduh bad ki kynhun bapher bapher hynrei ha ka por jan miet kaba ka jingiakren ka dang iaid hapoh ophis kaba u myntri rangbah kaba juh pynlogn jingialang, kynsan ki briew kiba ym lah ban tip kila kawang maw ia ki pulit.
Ha kane ka jingshah kawang maw san ngut ki pulit kila mynsaw, na ka liang ong u myntri rangbah da lade u la peit ban pynthikna kiba shah kawangmaw kin ioh ia ka jingsumar, ia ka daw jong ka jingshah kawang maw ki pulti ki dang thwet ia ki nongleh kam sniew.
Kane ka jingiakren kala neh lai kynta ei ei bad u myntri rangbah ka jylla u la khot ia ki nongialam seng bhalang ban ia kynduh biang ha Shillong ha ka 8 bad 9 tarik Nailar 2023 ha Shillong.
Haka juh ka por kila don bun spah ngut ki briew kiba la ialum lang ha ophis jong u myntri rangbah ka jylla kila sdang ban ia kawang maw, ki nongiakhih ki long ba kim dei ki briew jong ki, ban pynpra ia ki paidbah ki pulit kila hap ban siat lyer pynsat khmat.
Ha kane ka por u myntri rangbah ka jylla u Conrad K Sangma, u myntri ba dei peit ia ka tnad sam um kiba la don ha katei ka jaka kila peit ban pynthikna bad ki pulit kiba la mynsaw kin ioh ia ka jingsuamr, katba thoh ia kane ka khubor jingia kynad ka dang bteng.
