Shillong, Naitung 25: U Director General ki Pulit ka jylla u Dr. Laija Ram Bishnoi, IPS u la ong ba ki pulti kila lap ksai ban ka jingkawang maw ha Tura ka long ban pynmynsaw ia u myntri rangbah ka jylla u Conrad K Sangma, lyngba ki Video la lap ba ki don 26 ngut kiba kynshoit ia ki paidbah ban pynklumar.
Na kitei ki 26 ngut haduh mynta ka jan miet ki pulit kila ioh ban kem 19 ngut, na kien kynthup ruh ia ki kynthei, u heh pulit u la kren shai ba haba shah ka kam wat ia ki kynthei ruh lah ban kem ha kano kano ka por, laitnoh ia kiba dang hapoh ka 18 snem bad ia kiba la palat ia ka 65 snem.
U Director General ki Pulit u la kam ba kila shem ia ki sabut ba ka don ruh ka jingsam pisa ha ka miet 23/7/2023, la ioh kurup ki bilor kyiad, ki jri, ki dieng tylli, ki maw bal alum bad ka umphniang sharak shi klong bad lyngba ki Video la iohi ba kumno kitei ki 26 ngut kila pynshit ia ki paidbah.
Ha katei ka jingshah kawang maw ki pulit, ki Home Gurd bad ki Pulit CRPF kiba mynsaw baroh kila kot sha ka 18 ngut, ki kali kiba la shah pynjulor baroh ki long 21 tylli bad kiba la duh ha ka jingshah thang ki long ar tylli.
U Director u la ong ba shen kin sa khot ia ka jingialang bad u Chief Secretary ban ia kren biang ha kaba ia dei bad ka jingai jingiada u u myntri rangbah ka jylla, ha dien katei ka jingjia namar ka jingkawang maw kadei ba ki ia khih hynrei ka dei ka jingthmu ban pynmynsaw ia u mytnri rangbah.
U Director General ki pulit u la kren shai ba ka ain kan nym map iano iano ruh la u don ha kano kano ka kyrdan ka ain kan leh ia kaba don kam na ka bynta kito ki nongpynkulmar shnong. La ong ba la dang pynkhlain shuh shuh ia ki lat pahara ha Tura bad ki pulit bad kiwei ki kynhun kila don 500 ngut haduh mytna.
