Shillong, Naitung 26: Ka HBDRF Block-1 hynne ka sngi ka la pynshai ba ki Khasi-Pnar kim don jingshun ia ki Karbi Anglong, ki dei ki trai ri trai muluk bad kane ka jingkren ban phah mih iaki Karbi Anglong kadei tang ka jingkren dom namar ki Khasi-Pnar ki shah ban bein ha ki Karbi.
U Shnongknor jong ka HBRF u bah Wandami Passah u ong ba ki dawa naka sorkar ban phah weng noh iaka khyrdop jong ka KAAC kaba don ha Mukroh namar ka jingjia ba sngewsih ruh ka jia namar ka jingdon kane ka khyrdop.
Ki Khasi-Pnar kiba don ha Block I ki mad jingeh khamtam ki nongrep ki shem jingeh ban die iaki mar rep namar ka jingshah pynthut ha ki Karbi. Ki Khasi-Pnar ki shah pyndik wat ban leit sha ki jaka sumar namar ki Karbi ki pakhang surok.
Ka HBRF hynne ka sngi kala pyntip ba kan thoh shaka human rights commission ban pynsngew ia ka jingeh ki Khasi-Pnar kiba don ha Block I. Ia kane ka HBRF kala kren hadien ba ki artylli ki sorkar jylla kata ka Meghalaya bad Assam kim shim khia ban pynbeit noh iaka jingiakajia khappud hapdeng kine artylli ki jylla.
U Chairman ka HBRF ula iathuh ba ki paidbah Khasi-Pnar kiba don ha Block I ki mad shibun ki jingeh namar ki shah ban bein bad ki Karbi.
“Ngi dawa ban transfer iaka Block I namar ia ka Survey la dep naduh naduh ki 1951 da ki artylli ki district council jong Meghalaya bad Assam” la ong u Chairman ka HBRF.
