Shillong, Naitung 26: Ki pulit ha ka jingbud dien kila ioh ban kem san ngut ki briew kiba don kti ha ki kam tuh bike na kylleng kylleng, kila ioh ban kem u wei na Amlarem, lai ngut na Pynursla bad u wei na Shallang.
Ki pulit jong ka Mawngap kila ioh ia ka jingujor haka 15/7/2023 ba ka bike RS200 cc kaba don ia u number ML-05-P-6045 kala shah tuh na Umlympung, 12 mer Mylliem, ki pulit kila register ia ka ejahar hapoh ki kyndon C/No. 21(7) 2023 U/S 379 IPC.
Ha dien bala ioh ia ka jingtip kaba bniah kila hiar sha Amlarem ha West Jaintia Hills District bad kila kem ia u wei u briew bad ha kane ka jingioh kem la ioh biang pat ia ka bike na ka shnong Padu katba ia kiwei ki lai ngut kiba don kti la kem na Pynursla.
Haba la tohkit kila phla bad ialam sha ka jaka ba buh ia ka Pulsar 150 la ioh ban kurup biang na Amlarem, sa kawei ka Pulsar 220 cc la ioh ban kurup na Pynurlsa kine ki bike baroh ar tylli kim don number plate.
Ki pulit jong ka Laban kila ioh ia ka jingujor ha ka 25th Naitung 2023 ba kawei ka bike Pulsar 150 cc kaba don ia u registration number ML 05-V-0993 kala shah tuh na Lower Harisabha, Laban.
Ia ka ejahar la register ha Laban P.S C/No. 61(7)2023 U/S 379 IPC, ha ka jintip kaba ki pulit kila ioh ia u ba la suba la ioh ban kem na Shallang bad ia ka bike ruh la ioh ban kurup na katei ka jaka.
Ki pulit kila ioh ban kurup ruh ia ka kali Alto 800 kaba don ia unumber AS 01 DH 2009 kiba pyndon kam ha kane ka kam tuh bike, na ka liang jong ki pulit kila ong ba dang dons huh kiba dang pat ioh kem kiba don kti ha kane ka kam tuh bike.
