Shillong, Naitung 27: U bah Sainkupar Nongtraw General Secretary, ba dei ruh u nongpathi khubor ka seng HNLC u la pynshai ba ka khubor kaba lamih ha kine ki sngi halor ka shithi dawa pisa, la pynshai ba ka shithi dawa pisa ha ka kyrteng ka seng ka dei kam buidtuh jongno re kam dei na ka seng bad kam don jingiadei bad ka seng.
Kane ka dei ka kam kaba khia bha, lada ka seng ka lap iano iano ba pyndon kam ia ka kyrteng na ka bynta ka ki kam dawa pisa, lada lap ka seng kan pynshitom namar kane ka jingleh baroh ka long ban pynthud ia ka jingiakren ia suk.
La ong ba kum kine ki khep la don ba juh leh ha ki por bala leit ruh. Ka jingiakren ia suk kala iaid beit bad kane ka jingleh ka dei tang ka buid ban pynthud ia ka jingiakren ia suk da kito kiba don ka jingthmu ban pynwit na ka bynta ka jingkwah jong kito kiba leh.
Kumba ka long mynta kam pat don kano kano ka jingiasoi ban ia mynjur hapdeng ka sorkar pdeng, ka sorkar Meghalaya bad ka HNLC, hynrei kam shym don kano kano ka jingthmu ban pynthud ia ka jingiakren ia suk, kumba ka long mynta kala iaid beit kum ka jingburom na ka liang ka seng ia ka sorkar pdeng, ka sorkar jylla namar kim shym leh kano kano ki kam beain.
Na ka liang jong ka seng HNLC ka kyntu ia ki bor jong ka ain ba kin shim khia bha ia kane namar ka letter head ka dei kaba shuthok ia u ba leh ia kane kam dei ban kem ban pyniaid beit iakne ka jingiakren ia suk, na ka liang ka seng ruh kan wat ia kine ki briew u Shynshar Khymdeit bad Samuel Wahlang.
Ha ka juh ka por ka HNLC ka ong ba katba ym pat pynkut ia ka jingiakren ia suk ki paidbah k lah ban noh syniang sha ka seng, la ong u bah Sainkupar Nongtraw General Secretary bad nongpathai khubor ka seng HNLC ha ka kyrwoh kaba la phah ha kine ki khyndiat sngi.
