Shillong, Naitung 28: U Myntri Rangbah ka jylla u Conrad K Sangma mynta ka sngi u la kren shai ba ka jingjia ha Mahadev Khla don kano kano ka seng, ne ka ha ka liang ka niam ka dei ka jingleh ki riew sniew.
Katei ka jingjia ka dei ruh ka jingiashoh hapdeng ki katto katne ngut ki briew kam dei ka jingiakynad ha pdeng kano kano ka kynhun jaidbynriew bad kiba ia shoh ia dat kim don ruh kano kano ka jingiadei bad kano kano ka seng.
Lada don kino kino kiba pynsngewthuh bakla ia katei ka jingjia bad kiba pynkylla kum ka jingiashrud jaidbynriew ka sorkar kan sa leh ia kaba don kam katkum ki kyndon ain, la ong u myntri rangbah ka jylla mynta ka sngi.
Ha ka juh ka por bun bah ki kynhun bapher bapher kila pynrem jur ia katei ka jingjia bad ki don ruh ki kynhun kiba la leit wat ban ia kynduh ia u lat ka jylla halor katei ka jingjia ha Mahadev Khola Dham.
