Shillong, Naitung 28: U Myntri Rangbah ka jylla u Conrad K Sangma u la ong ba u khlem kynnoh ia ki seng sain pyrthei ha kaba ia dei bad ka jingjia ha Tura, ka jingkem jong ki pulit ka long halor ki subut kiba la paw lyngba ki Video, la iathuh ba haduh mynta la kem 40 ngut.
U myntri rangbah u la ong ba ha ka jingshisha ki pulit kila kyntu ban nym leit sha katei ka jaka ban pynlong ia ka jingialang hynrei namar ka jingkyrpad kiba bun khlem da don kano kano ka jingmut da ka jingsngur la leit hynrei hapdeng ka jingiakren bad ki seng bhalang haba ia dei bad ka jingdawa mih katei ka jingia kawang maw.
Haba na bthah ia ki seng bhang peit ba kan don ka jingjia jia kila ong ba kine ki briew kiba wan ban pyrtha kim dei ki dkhot jong ki bad kim ithuh ruh ia ki, haba la mih ka jingiakawang maw na ka liang ki bor jong ka District Administration kila adar ha kaba pyndon kam ia ki bor pulit.
Halor ka jingkynnoh jong u Dr. Mukul Sangma myntri rangbah barim ka jylla, u myntri rangbah ka jylla u la ong ba kum u myntri rangbah ba barim ka jylla u sngewthuh shai haba don kum kine ki jingjia, dei ki pulit kiba la iada ia u bad ia ki seng bhlang ha Chief Minister Secretariat.
U myntri rangbah u la kren da kaba shai ba kam shym don kano kano ka jingkynnoh ia kano kano ka seng sain pyrthei hynrei ka jingkem jong ki pulit ia kito ki briew ka dei halor ka subut kaba kila ioh lyngba ki video kiba la ioh ban ring, ki pulit kin dang bteng ia ka jingtohkit halor katei ka jingjia.
