Shillong, Risaw 26: Mynta ka sngi u Chief Electoral Officer jong ka jylla Meghalaya u B.D.K Tiwari u la iathuh ba la shai ka sngi yn pynmih paidbah ia ki kyrteng jong ki nongthep vote ha ka jylla Meghalaya bad katkum kane ka Electoral Roll kaba la pynkhreh ka jingdon ki nongthep vote ka long 21,86,151 ngut baroh.
Haba shim na ka jingkhein na ka elekshon sha ka iing dorbar thawain ka jylla kaba long ha u bnia Rymphang 2023 ka jingdon ki nongthep vote ha ka elekshon MLA ki don 21,79084 ngut, tang ha kine ki khyndai bnai ka jingdon ki nongthep vote kala kiew sha ka 21,86,151 ngut, kane ka pyni ba ka jingkiew ki nongthep vote ka long da 7,067 ngut.
Ka jingdon ki nongthep vote, ki shynrang ki don 1081006 lak ngut, ki kynthei ki don 1105142 ngut bad kiba don ha ka kam ki don 3848 hajar ngut bad ki bahkong don 3 ngut, la shai ka sngi yn pynmih ia ka Draft Electoral Roll kand ei la shai ka sngi, lada don kiba kwah rung kyrteng bad ban ujor ia ki kyrteng kan long naduh la shai ka 27/10/2023 haduh 9/12/2023. Ka jingpynrung ne weng kyrtng na ka electoral roll kan long ha ka 26/12/2023.
Na ka liang jong u CEO la iathuh ba la pynbun shuh da 32 tylli ki jaka thep vote kiba thymmai, ha kane ka MLA elekshon kaba la dep ki jaka thep vote ki don 3482 tylli bad mynta kin don 3500 tylli ki jaka thep vote.
Ki jaka thep Vote kiba thymmai ha EKH District ki long 8 tylli, WJH District 6 tylli, Ri Bhoi 2 tylli, WGH District 6 tylli, WHG District 2 tylli, SGH District 4 tylli, East Jaintia Hills 2 tylli, katba ka Eastern West Khasi Hills, South West Khasi Hills bad ka North Garo Hills District marwei kawei ka jaka thep vote thymmai.
Haba juba ia ki jingkylli na ka liang jong u CEO u la ong ba kane ka jingkiew ki nongtep vote ka lah ban dei namar ba mynta la lah ban pynrungkyrteng saw sien ha ka shisnem, hynrei kane kamd pat dei kaba paka namar ba ha pdeng kane ka por ki briew ki dang lah ban u jor bad ruh ban pynrung kyrteng ia kiba dei hok.
Haba ia dei bad ka jingkylli ia ki bar ri khamtam na kiba wan rung tuh na Bangladesh, na ka liang jong u CEO u la kren shai ba kila shim baroh ki lat ki lynti ba pynthikna ba kin nym ioh ban rung kyrteng ha ka elelctoral roll, la iathuh ba ha ka 25/10/2023 la khot ia ki seng sain pyrthei ban ia kren ba iarap lang ha kane ka jingpynkhreh ia ki kyrteng jong ki nognthep Vote.
