Shillong, Nohprah 05: Ka United Democratic Party Shillong City Youth Wing mynta ka sngi ka la pynlongia ka 1stknockout tournaments 2023 kumshibynta ka jingialap pyrshahia u Drug ha ka ban pyllaidia ki samlana ka jingkyrni ha une u kynja jingdih pynbuaid.
Ha kane ka sngi la wan ban ia don lang da u President ba rang bah ka seng u Bah Metbah Lyngdoh kum ukongsan ha ryng ka jingia don lang u bah Vivek Syiem bad kiweikiwei pat ki nongia lam.
Ha ba ai jingkren ha kane ka sngina ka liang u bah Metbah Lyngdoh u la ong ba ka jingthmu jong kane ka jingialehkai kynjat ball ka long ban rat dyngkhong ia ki jingmlien ba sniew.
U la ong ruh ba ki samla kin long ma ki ki ban rah ia ka khubor sha kiwei pat bad ban ia rap ia ki ha ka ban wan rah ka jingkylla ha ka jong kito ki ba la kyrni ha kumkine ki jingdieh ki ba sniew.
Na ka liang u bah Vivek Syiem u la ong ba ka jingjyllei u drug ha ka jylla kala shyrkhei bad bun na ki long iing ki long sem ki jot ki pra. U la ong ruh ba ki samla ki dei ban long ki nong ia rah ia ka khubor ha ka ban ialap pyrshah ia u Drug ha ka jylla, u la ban ruh ba u briew u don kam tang kumba 4.5 gram bad tang laisien ba kin long ki ba kyrni ha u drug.
U la ong ruh ba shisien ba ki la ngop ka long kaba eh ba kin laid na ka jingkyrni ha une u jingdih. Kumta na ka liang u bah Vivek u la kyntu jur ia ki samla ba kin kiar na u Drok bad ba ki dei ban pynmlien ia la dei ha ki kam ialehkai ki balah ban pynlait ia ki na kiei kiei ki jingmlien ba sniew.
Ia kane ka jingialeh kai la plie pyrda ha ka 4 tarik u Nohprah bad ka ban kut pat ha ka 16 u nohprah 2023, ha kaba yn pynlong ha poh ka madan ialeh kai jong ka MFA .
