Shillong, Nailar 19: Ki MDC jong ka Garo Hills Autonomous District Council mynta ka sngi kila aisa da ka dorkhas ha u Myntri Rangbah ka jylla u Conrad K Sangma bad ha kane ka dorkhas kila pynpaw ba ki kwah ba dei ban pynjlan shuwa ia ka ilekshon sha ka iing dorbar jong ka District Council.
Kane ka iing dorbar ba mynta jong ka GHADC kan kut ha u Nai risaw mynta u snem bad ka elekshon sha ka iing dorbar jong ka GHADC kala dei ban long ha u Nai risaw lane u Naiwieng mynta u snem.
Katkum ki lad khubor kiba la ioh, la pynsngew ba kane ka jingdawa jong ki MDC ka GHADC ban pynjlan ia ka por jong kane ka dorbar ka long halor ka nongrim ba ka don ka Bill hapoh parliament ban wanrah ia ka jingpynkylla ia ka sixth schedule bad lada pynkylla kan pynbun ia ki dkhot ka iing dorbar.
Kane ka iing dorbar ka ba mynta ka don 29 ngut ki MDC kiba jop lyngba ka ielekson bad uwei dei ba shu thung ka sorkar. Lada wan ka jingpynkylla ia ka Sixth Schedule ki MDC kin kot noh sha 40 ngut, 35 San ki ban jied da ka elekshon bad 5 ngut kiban shu thung.
