Jowai, Jylliew 26: :Ka Manbha Foundation, Jowai kum shi bynta ban rakhe ia ka sngi International Day Against Drugs and Illicit Trafficking, kala pynlong ia ka prokram ai jinghiaki ia ki khhnah skul bapher bapher jongka shnong Mihmyntdu, West Jaintia Hills District, ha Mihmyntdu Loompyrdi Community Hall ha kane ka 25.06.2014.
Ha shwa ban sdang ia kane ka prokram ai jinghikai la don ka jingialang kaba la pyniad da u bah Lakhon Ryngkhlem Chairman Dorbar Shnong Mihmyntdu ha kaba u bah Marki Mulieh MDC (JHADC) Jowai North ula long u kongsan katba u Superintendent of Police (SP) West Jaintia Hills District u bah Herbert G. lyngdoh ula long u synmbud Kongsan.
Ka Dr Rica Lamar Director Manbha Foundation, kaba la ai ka jingbatai bniah sha ki khynnah skul halor ka jingktah ka jingma ia ki briew kiba pyndonkam ia kikynja jingdih bapher bapher kum u Drugs, Kyiad, Duma bad kiwei kiwei de, kum ka nongsumar kaba la shemphang bha ha kine ki liang, kala ong ba shibun ki briew kiba la kyrni haka jingdih ki dei kiba la sdang naduh ka rta kaba dangrit da ka ki sdang shwa ban pyndonkam ia u duma kum u biri sikret raja khaini bad kiwei nangta suki suki kila sdang ban poi sha ki jingdih pynbuaid bad hadien ki sa kylla kyrni noh ha kine ki jingmlien bad ka pynngop syndon ia ka jingim u ne ka briew. Ka jingdih Drugs ne kyiad ym tang ba ka ktah bad wan rah ia ka jingpang ba har rukom ia u briew uba la kyrni hynrei ka pynsniew ia ka long iing long sem bad khamtam eh ia ka imlang ka sahlang bad ka jait bynriew hi baroh kawei.
Shuh shuh ka Dr Lamar ka la batai bniah ia ka jait Drugs bapher bapher bad ki rukom pynsniew jong ki hala ki jong ki jong ki bor ktah jong ki. Kum ka kyiad u duma ne ki khiani kiba dei hi ki kynja Drugs kiba ka ain kam da pyrkhing eh hynrei ki don ki jingktah kiba ma haduh katta katta ia ka koit ka khiah jong u briew, don pat ki jait Drugs kiba ka ain bad khang pyrshah ha ka ban pyndon kam ia ki. Ka Dr Lamar ka kyntu ruh ia ki nongdie dawai ban nym die pathar ia ki jait dawai khem da bthah da ki Doctor. Khadduh ka doctor Rica ka kyntu ia ki khynnah skul ba ki dei ban kyiar lai lum lai wah na kine ki jait jingdih ba sniew bad ym dei ruh tang ban shu mad ne sdang namar shisien bala mlen ym lah shuh ban bthat ia u kynjri jong ka.
U bah M.Mulieh u kongsan haba kren u la ai ka jingiaroh shi katdei eh ia ka Manbha Foundation kaba la pynlong ia kane ka prokram hapoh kane ka shnong, kaba long kum u maw jam ban rat dyngkhong ia kine ki jingpynmlien ba sniew kiba ktah ia ka lawei ka jait bynriew rit paid jong ngi. Ha kaba na ka liang jong u ruh u la kular ban iatrei lang bad kane ka seng na ka bynta ka bha ka miat jong ka imlang sahlang.
U bah H.G.Lyngdoh S.P West Jaintia Hills ula ong ba na ka liang ka Police Department ruh kala pyrshang ban rat dyngkhong ia ka jingkhaii tuh ia u Drugs hangne hapoh ka District, kaba dei kawei na ki thain ba kham bun ki nongdie bad nongpyndonkam ia u Drugs.
La don ruh ka jingiaphylliew jingmut hapdeng ki khynnah skul ki nonghikai (interact) bad ka Dr Rica Lamar kumjuh ruh ki riewshemphang (Counselor) na Khasi bad Jaintia Hills. Ha kane ka prokram la ioh ruh ia ki jingkren naka kong Rukini Biam Counselor Manbha Foundation Jowai, ma J.Biam Chairman Mihmyntdu Loompyrdi ha ka jingdon lang u ma Lenin Passah kum u Organiser Manbha Foundation, Jowai kong Ribeth Patlong VHAM bad kiwei de.(SP News)
