New Delhi, Naitung 13: Ka cabinet jong ka sorkar pdeng mynta ka sngi kala ai ia ka jingmynjur i aka “Pradhan Mantri Kaushal Vikas Yojana” bad la mang pisa T.12000 klur tyngka ban ai jinghikai ia ki shiklur ngut ki samla ha kine ki saw snem ban wan 2016-2020.
Kane ka pisa ka long ban pynlut na kabynta ban ai jinghikai biang ia kito ki samla kiba la dep ban pyntbit ia lade ha kiba bun ki liang, 60 lak ngut ki samla kin dei kito kiba la dep ban shah hikai hynrei don kam ban pyntbit shuh shuh bad 40 lak ngut pat ia kito kiba la nang ha ka kam hynrei ki bay m pat ioh ka jinghikai katkum ka jingdon kam.
Kane ka skhim kan long beit kumba juh long, ka sorkar kan phah ia ka pisa sha kito ki jaka ai jinghikai ha ka dur jong ka grant. Yn ai ruh ka jingiarap na ka bynta ka bai leit bai wan, ka bai hostel bad ka bai bam bad kane ka jingkyrshan kan long haduh ba kin da don ha ka kam ynda kila pyndep ia ka jinghikai ka jingphah ia ka pisa pat kan long tang lyngba u Aadhaar. Ki jinghikai ba dei ban ai sha ki samla ka dei ban long katkum ki jingdon kam jong ki karkhana ha ka ri ia kaba la tip kum ka “National Skill Qualification Framework”.
Ka cabinet kala biang ia kane jingai jingmut jong ka kynhun kaba dei jongki myntri rangba jong ki jylla bad ia kane ka pisa yn ai beit da ka sorkar pdeng sha ki sorkar jylla. Ban pynrung ia ki samla sa kum kine ki jingai jinghikai kan long beit lyngba jongki Rozgar Melas bad ka Kaushal Shivirs.
Ka jingthmu jong kane ka PMKVY ka dei ban hikai ia ki briew ba kumno kin nang ban trei ha ki karkhana kiba don ha ka Ri bad kum juh ki lah ban leit sha kiwei ki bynta jong ka pyrthei bad kan don ruh ka jingbei pisa na ka bynta kito kiba leit sha pyntbit sha ki kam kiba kham sha jrong.
