Tura, Naiutng 22: Kumba 150 tylli ki long iing kiba hap hapoh jong ka Rojeng Block kaba kynthup na ki 19 tylli ki shnong kila ioh ia ki tin sop iing mar lai ban da ka jingnoh syniang na ka balang Katholik sha katei ka thain.
Kine ki long iing kiba la ai jingiarap da ka balang ka dei na kito ki 500 tylli ki long iing kiba la shah ktah ha ka jinghap phria ha u bnai iaong mynta u snem. Halor kane ka jingjia na ka liang jong u phadar ba dei peit ia kane ka thain u la pyntip sha ka Bakdil kaba dei kawei na kit and trei mon sngewbha jong ka balang katholik.
Halor kane ka jingjia na ka liang jong ka Bakdil kala thoh pat sha kawei kaseng trei mon sngewbha kaba don ha Ri Spain kaba la tip kyrteng kum ka Manos Unidas bad kane ka seng kala ai jingiarap T. 1575000/- ha kaba ia kane ka pisa la pyndonkam ban thied ia kineki tin sop iing.
Ha ka sngi bas am ia ki tin u Bishop Andrew R Marak u la ong ba kum ki khrsitan dei bandon ia ka mynsiem ia ieit bad ka mynsiem ban iarap markylliang iala ki jong ki para marjan kum para birew.
Ha ka jingkren jong u phadar Sunny Joseph Mavelil, Director bad secretary jong ka Bakdil u la kyntu ia ki briew bakin long kiba trei shitom bad ban pyndon ia kam ia ki skhimjong ka sorkar pdeng khamtamia ki skhimjong ka MGNREGS. U Phadar Charles Sangma u la pynpaw ia ka jingsngewnguh ia ka Bakdil na kabynta kane ka jingiarap ia kiba duk ba rangli.