Shillong, Iaiong 08: Mynta ka sngi ka President jong ka Ri India ka Droupadi Murmu kala phah ia ka jingaikhublei Paskha ba suk ba kmen ia ki paidbah jong ka Ri India khamtam eh ia ki paid khristan.
Ha ka jingai khublei ka President jong ka Ri India kala ong ba ka ai khublei Paskha ba suk ba kmen ia baroh ki nong India bad kum juh ia kiba don sha bar jong ka Ri, kyrpang ia ki Khristan.
Kane ka jingrakhe ia ka Paskha ka dei ka jingkynmaw burom ia ka jingmih pat u Jisu bad kane ka dei ka dak jong ka jingieit kaba khrawtam bad u Jisu u la ai ia ka jinghikai ban long kiba iai ieit bad kiba ia map markylliang, ban pdiang ia ki jingshisha bad ia ka hok bad dei shisha ka nuksa.
Ka President jong ka Ri India kala long ba to ngin ia pynphriang ia ka jingieit, ka jingialang kawei ha ka imlang sah lang da kaba shim na kane ka jinghikai trai Jisu na ka bynta ban kyntiew ia ka roi ka par jong ka Ri.
U Vice President ka Ri India u Jagdeep Dhankhar ha ka jingai khublei ka jong u ai khublei ia baroh ki paidbah nongshong shnong jong ka Ri India ha kane ka paskha bad kane ka jingrakhe ia ka paskha ka long ban kynmaw burom ia ka jingmih pat u trai Jisu bad kane ka hikai ka long ban ia ieit para briew ai kane kan wanrah ia ka jingiatylli ha ka Ri bad ha pdeng ki jaidbynriew.
