Shillong, Jylliew 26: U Lat jong ka jylla u Banwarilal Purohit bad u myntri rangbah ka jylla u Dr Mukul Sangma kila ai khublei ia ki paid riew ngeit muslim ha kane ka sngi khraw ka jong ki ban pynkut ia ka jingshah thngan ka jong ki kaba bun bun sngi ha kaba ki la pynkut mynta ka sngi da ka jinglehniam Eid.
Ha ka jingai khublei jong u Lat ka jylla u la ong ba kane jingpynkut ia ka Ramadan kan kham ai mynsiem shuh shuh ia ka jingiaieit para briew bad ka jingialong kawei ban wanrah ia ka suk ka sian, na ka liang jong u myntri rangbah ka jylla u Dr Mukul Sangma u la ong ba ai kane ka jinglehniam kan wanrah ia ka jingiashah bad ka jingiaieit mar kylliang ia ki apra briew.
Ha kane ka sngi la iohi ba ka jinglehniam kaba khraw eh ka long ha Laban ha kaba da ki hajar ki paid riew ngiet kila ia tuid sha katei ka jaka ban pyndep ia ka jinglehniam leh rukom ka jong ki ha kane ka sngi kaba khraw tam ka jong ki.
Ha kane ka sngi naduh ki rangbah haduh ki khynnah la iohi, ia ka jingai khublei mar kylliang da ka jingiakdup ieit ban pynpaw ia ka jingsngew kmen ka jong ki bad ka jingiapdiang mar kylliang iwei ia iwei pat da ka jingiai eit.
