Shillong, Nailur 05:U myntri rangbah duh jong ka Ri India u Narendra Modi, mynta ka sngi u la ai khublei kyrpang ia ki nonghikai baroh, ha kane ka sngi burom ka jong ki, kiba la la len lade ha ka kam kaba ki trei.
Ha kane ka sngi u myntri rangbah duh jong ka Ri u la leit ruh ban buh syntiew ha ka dur mot jong u Dr Sarvepalli Radhakrishnan, u president ba rim jong ka Ri India, namar ha kane ka sngi burom ia ka sngi kha jong u la rakhe ia ka sngi burom jong ki nonghikai ka kylleng ka Ri.
“ Khublei phi ki nonghikai” ka ri ka ai burom ia phi ha kane ka sngi, ia ka jinglen lade jong ki namar ki long ki nongsain dur iaka lawei jong ka Ri, kane ka dei ka jingburom kyrpang ia utei u riew khraw jong ka Ri u bala wanrah ia ka jingkylla ha ka Ri ha kiba bun ki liang.
U myntri rangbah duh u la buh ka jingkylli, haduh katno u ne ka nonghikai kala rah ban pynkylla ia phi ? ia mir jingmut bad pule ruh iaki kot kiba bun kiba la thoh sha phang ki nonghikai, ong u myntri rangbah duh jong ka Ri.
