Shillong, Jylliew 02: Ka HYC Jaiaw Circle kala dawa na u Vice President jong ka seng kmie u Bah Donbok Kharlyngdoh ba un pan map na ka Jaiaw Circle namar ba u la tar ia ka shithi jong ka Circle ha ka por ba ki la leit ban ai sha u ban phah sha ki nongialam ba ha khlieh jong ka seng.
U Bah Wankit Ryntathiang General Secretary jong ka seng HYC, Jaiaw Circle ha ka jingiadon ryngkat ki dkhot jong ka seng haba kren ha ki nongthoh khubor ha Shillong Press Club mynta ka sngi, u la ong ba kane ka jingshah tar ia ka shithi kaba la phah na ka Jaiaw Circle ka pyni ba u tei nongialam jong ka seng um niew burom.
U Bah Ryntathiang, u la ong ba nalor katei ka jingtar ia ka shithi jong ka Jaiaw Circle, kila don ruh sa kiwei kiwei ki jingia tyngkhuh hapoh jong ka seng ia ia kaba ki la kwah ban ia pynbeit hynrei na ka liang jong ki nongialam kim shym la lah ban leh ia kane kim don lynti shuh sa kumwei bad kila hap ban kren ha ki lad pathai khubor ban pynsngew sha ki nongialam jong ka seng kmie.
