Shillong, Nailar 30: Mynta ka sngi ki kynhun seng bapher bapher na ka shnong Malki hapoh jong ka lama jong ka “Sur Ki Paidbah ki Nongmalki” kila ai por ia ka sorkar shitaiew ban weng kam shipor ia ki pulit kiba don kti ban siat ia u bah Cheristerfield Thangkhiew ha iing sah jong u Mawlai.
Haba kren ha ki lat pathai khubor mynta ka sngi ha State Central Library u bah J. Kharbuli nongai ktien katei ka kynhun kaba kynthup ia ka KSU, FKJGP, HYC, HNYF bad ka seng samla shnong Malki kila shim ia kane ka rai ka long ban kyrshan ia ka sur ki nong Mawlai.
U bah Kharbuli u la ong ba kum ka kynhun ba ki ai por ia ka sor shitaiew kata haduh ka 6/9/2021 ban weng kam shipor ia ki pulit kiba don kti ban siat iap ia u bah Cheris ban pynioh ia ka jingtohkit kaba khuid kaba suba.
Lada ka sorkar kam lah ban pynurlong ia kane ka jingdawa hapoh katei ka tarik kaba la buh ban pynbor ia ka sorkar ba ka dei ban pynurlong ia ka jingdawa ki paidbah kin pynlong da ka jingiaid paidbah ha katei ka 6/9/2021.
La ong ba ia mynta kam pat don kano kano ka jingiakren bad ki briew jong ka Mawlai hynrei kum ki paidbah nongshong shnong na Malki ki sngewkhia ia kaei kaba la jia bad ban kyrshan ia ka jingdawa ki Nongmawlai ki paidbah ka Malki ruh ki ai ia katei ka jingkyrshan.
