Amlarem, Naitung 29: Ka District Rural Development Agency, West Jaintia Hills District ha ka jingiatreilang bad ka ICAR RC H.E.H.R Umiam ki la pynlong ia ka jingai training kyrpang hynne ka sngi kumno ban ri dohkha sha ki paid nongshong shnong kiba hap hapoh jong ka Amlarem Sub-Division ha office jong u Block Development Officer ha Amlarem .
Ha kane sngi u Scientist Dr SK Das u ai ia ka jinghikai sha kine ki paid ri nongri dohkha jong kane ka thain da kaba batai kumno ba kin ri ia ki dohkha khnang ba kan long ka jingmyntoi ia kiwei pa kiwei ki nongri dohkha khnang ba kan long ruh ka lad jingkamai kaban ai jingmyntoi .
Bad ha kane hi ka sngi ki la ioh ruh ban sam ia ki symbai dohkha ia kiba la wan rah napoh Ri Hungary jong ka Continent Europe bad ia kine ki dohkha la wanrah ha India ha u snem 2008 ha nongbah Bangalore bad ha shwa ba kin sam ia kine ki symbai dohkha kong Isawanda Laloo SDO Amlarem i la ka jingbatai pynsngewthuh kyndiat kynsoit sha ki paid nongri dohkha ha ka jingdonlang u BDO Amlarem i Ma Budsuk Sungoh ,u Fishery Officer Amlarem U Ma Selan Challam , ki Rangbah shnong bad ki nong ri dohkha kiba la iadon lang bad ha kajuh ka por la ioh ruh ban sam ia kine ki symbai sha baroh ki ri dohkha jong kane ka thain.
