Shillong, Naitung 20: Kumba ka long mynta mynta ka jingeh kaba ki karkhana kiba don ha kane ka jylla, ki ap sa tang ia ka jingkhang khyrdep ia ki karkhana ha kane ka jylla Meghalaya na ka daw jong ka jingbymbiang ka light bad kiba bun na ki karkhana kiba don ha Export Promotion Industrial Park (EPIP) mynta kila khang.
Ki lad khubor kiba ia jan bad ki karkhana kiba don ha Byrnihat ki iathuh ba bun na ki katkhana kila khang namar ka jingbym biang jong ka bor ding eleltrik, nalor kata ruh ka jingshim bai light kaba la rem palat da ka MeECL kaba la poi sha ka san tyngka kane ruh kala buh ia ki haka jingeh kaba khraw.
Kila don na ki katkhana kiba la shna iala ka jong ka jaka pynmih bor ding na u dewiong ban pynbiang ia ka bor ding eletrik sha ka karkhana hynrei na ka daw jong ka jingshah khang ka kam tih dewiong kala ktah ia ki ruh namar ban pynmih bor ding ki don kam ia u dewiong. Kane ka jingeh kam shem la ktah tang ia ki karkhana kiba don ha Byrnihat hynrei wat ia ki karkhana dewbilat kiba don ha Lumshong Jaintia Hills.
Haba u SP News Agency u la ioh ban ia kren bad kiheh jong ka tand karkhana jong ka jylla kila kubur ba ka dei ka jingshisha ba ki karkhana ha kane ka jylla ki ia kynduh ia ka jingeh namar kaei kaba ki ioh bor ding ka long tang mar shiteng na ka jingdon kam jong ki bad kane kala buh ia ki karkhana ha ka jingeh ban pyniaid ia ki karkhana.
Kila don ki karkhana kiba la ring ia ka bor ding na sha bar jong ka jylla hynrei na ka liang jong ka MeECL pat kala shim ia ka bai trei ia kaba la tip kum ka “service Charge” bad kane kala buh ia ki ha ka jingeh namar ka dor kala rem kumba dei jong ka MeECL.
