Shillong, Jylliew 29: Ka Khasi Students’ Union Laban Circle mynta ka sngi ka 29 Tarik Jylliew 2023 ka la leit kynduh ia ka Longkmie Gas Agency kaba don ha Laban Lastop hadien ba la ioh jing ujor naki paidbah ka thaiñ Laban halor ka jingioh duna tylli ki Tyndong Gas haka shi snem.
Haka jing leit kynduh jong ka seng iaka Longkmie Gas Agency ba la lam khmat da u Samla Reuben Najiar President & Samla Jason Laloo General Secretary ha ryngkat ka jingiasynran lang jong ki para nongialam bad ki dkhot ka la pynsngew sha ka Longkmie Gas Agency iaki jing ujor jong ki paidbah jong ka thaiñ Laban.
Haka ba iadei bad ka jingioh duna tylli jong ki tyndong Gas haka shi snem kata ka long 10 tylli haka shi snem naka liang ka seng ka la wad jingtip bad ka la lap ba ki Gas Agency ki dei ban pynbiang ym duna iaka 12 Tyndong haka shi snem.
Shuh shuh haka jingleit khyra jong ka seng ha ki bnai ba la dep iaki dukan bam halor ka khuid ka suba kata haka 13 tarik Jymmang 2023 la lap ruh ba ki dukan Bam ki ju pyndon kam daki tyndong domestic kaba long pyrshah katkum ka aiñ.
Halor jong kata ka seng ka la ioh ban iakren bad pan jingpynshai naka lianga ka Longkmie Gas Agency ka ruh ka la pynsngew iaki jingeh baki shem bad ka la kular ruh ban pynbit pynbiang iaki jingduna kaba ki paidbah ki shem bad ka la pynshai ruh ba naka liang jong ka ruh kam don kano kano ka jingdie tuh iaki tyndong.
Naka liang ka seng ka la maham tyngeh iaka Longkmie Gas Agency ba kim dei ban pynduna iaki Tyndong Gas haka ban pynpoi sha ki longïing jong ki paidbah nongshong shnong Laban.
