Shillong, Jylliew 12: Ka tnad ba dei peit ia ka jinglong jingman ka suin bneng ka Indian Meteorological Department (IMD) kala ong ba kala don ka jingkhi phyllungjong ka duriaw ha Bay jong ka Bengal ha ryngkat ka jingbeh ka lyer kaba jur sha phang shatei naduh mynta ka sngi bad kan iaid sha Bangladesh bad kan poi sha ki bynta ba shatei jong ka Ri India hapoh kine ki 12 kynta.
Na ka liang jong ka IMD kala ong ba kan don ka jingslap kaba jur bad ka lyer kum ha ka jylla Assam, Meghalaya, Nagaland, Manipur, Mizoram bad Tripura ha kine ki 24 kynta bad kum juh ha ki bynta jong ka jylla Odhisha bad West Bengal. Ka jingehr sted jong ka lyer ka long ha pdeng 60 haduh 70 kilometer ha ka shikynta. Katba ha ki jylla North East kan long ha pdeng 30 haduh 50 kilometer ha ka shikynta.
