Shillong, Risaw 19: Ka KSU NEHU Unit bad NEHUSU mynta ka sngi kila phah da ka jingthoh sha u Myntri Rangbah ka Jylla u Conrad K Sangma ban tuklar lem ha kaba ia dei bad ka jingkynrum kynram ka bhah kyrpang ki nongthep ban ioh rung klas hapoh ka skul bah NEHU.
Ka Khasi Students’ Union Nehu Unit bad ka NEHU Students’ Union, mynta ka sngi, kala phah da ka jingthoh sha u Myntri Rangbah ka Jylla ban pynsngew ha u ia ka jingkynrum kynram ha kaba ia dei bad ka bhah kyrpang ki samla pule kiba dei naka jylla Meghalaya bad kum juh ruh ki samla kiba pule kiba dei na ki college bapher bapher kiba hap hapoh ka jingpeit jong ka skul bah Nehu.
Ka jingklumar jingmut kala mih ha dien ba ki katto katne ki nongpeit jong ka skul bah Nehu kila pyrshang ban ialam bakla iaka jignpynbna jong ka skul bah Nehu da kaba thmu ban pynkylla iaka 10 persent sha ka 10 marks.
Ha dien ka jingiapyrkhat sani bha, la lap bala da ai noh da ka 10 marks ka rukom khien “weightage” ha ka jaka jong ka 10 persent kan ktah shibun ia ki samla pule kiba dei na ka jylla. Ka KSU kala lap ruh ba lada pyntreikam da ka 10 marks bun ki samla pule na ka jylla kin duh rung klass hapoh ka skulbah Nehu.
Ka KSU NEHU Unit bad ka NEHUSU ka pynpaw ruh ia ka jingdawa na ka skul bah NEHU ba kamdei da lei leiruh ban ialam bakla ia ka jingpynbna ka skul bah lane thmu ban pynkylla iaka.
Ka “Central Admission Committee’ jong ka skul bah NEHU ka la pynlong ia ka jingialang ha ka 18 tarik u Risaw ban rai halor kane ka bynta hynrei kim shim la lah ban rai namar ka don ka jingpyrshah na baroh arliang.
Ia kane ka mat ka skul bah NEHU kan rah ha ka Academic Council kaban long ha ka 20 tarik u Risaw bad ha kaba ia dei bad kane ka bynta na ka liang ka NEHUSU bad KSU ki la pynpaw shai ba kim dei da lei leiruh ban ialam bakla ne pynkylla iaka jingpynbna ka skul bah ha kaba iadei bad ka ka jingshim jingkhien “Weightage”.
