Shillong , Jylliew 24: Mynta ka sngi ka dei ka sngi ba ar ka Dobar jong ka Khasi Hill Autonomous District U bah Adelbert Nongrum MDC jong ka Jaiaw u la wanrah ia ka wei ka mat jngiakren hapoh ka iing baroh ka wei halor ka jingshongkha khleh ka jaitbynriew khasi bad ki wei ki jait bynriew ka la kynrei bha ha kine ki sngi.
U bah Adelbert haba kren halor kane ka mat u la ong Ka shongkha shongman ha ki khun khasi mynta ka la long lyngkar haduh katta katta ha kaba bun na ki khun khasi la ki dei ki khynthei ne shynrang ki la shongkha bad ki wei pat ki jaitbynriew, la donkam mynta ban pyni ia ka bor bad ka iktiar ia kine kiba leh kumne namar lada la bakla ka shongkha la bakla lut baroh.
U Bah Nongrum u la ong “To ngin sdang thymmai noh nangne shakhmat bad aid a kaba khanglad bad kino kino kiba leh pyrshah ia kane ym pynduh schedule tribe ia ki namar katkum ka bor jong ka Supreme court ruling 2006 ka la ai ia ka hukum na lada ki khynthei khasi kin shongkha khleh bad ki wei ki jaidbynriew kin duh noh iaka schedule tribe”.
U bah Nongrum u la ong ruh ym ba nga tuklar ia kata ka kam shongkha shongman namar kane ka dei kaba la buh beit buh ryntih da u Blei, hynrei ngin dei ban tulkar namar la iohi shibun kan eka ktah ia ak ri bad ka jaitbynriew
Ka kong Rona khemdeit EM ka tand ain haba jubab iakane ka mat jingiakren ka la ong haba iadei bad ka ne naduh ka 24 tarik u bnai October 2005 la phah ia kane ka bill sha ka sorkar jylla ban peit bad ba kan leh ia kaba donkam baroh hynrei haduh mynta kane ka biil kadang sahkut kam pat shym la wanphai.
Ka la ong ruh na ka liang jong kane ka EC ba thymmai mynta kin sa ialeh shitom bad buddien halor kane ka bill kaba dang sah kut.
Ki wei pat kiba la iashim bynta ki long u Lamphrang Blah u la ong kane ka mat ba la wanrah da u bah A Nongrum ka long kaba donkam namar “shisien ba ki briew ki la ioh ban rung ha iing ka la shitom ban beh ia ki bad kane ka ktah ia ka ri bad ka jaitbynriew”
U bah Badondor lyngdoh u ba la ia shim bynta lang ban kyrshan ia kane ka mat ba la wanrah ha kane ka sngi ha ka jingkren jong u “u la ong ka shongkha shongman ha kine ki sngi kiba mynta ka la nang hiar dor, lada ki dei ki khynthei ne ki shynrang kib aleh ia kane dei ban pynduh shi syndon ia ka schedule tribe”.
“Dei ban pynlong ain noh iakane ban bad leh kham kloi namar bun ka shong kha ka lyngkar palat bad ki wei ki jaitbynriew kiba wan shong kha ki wan tang ban leh business” la ong u bah Badondor.(SP News)