Shillong, Jylliew 29: Wat hapdeng ka jingiakhih jong ki nongtrei ka MTC ban dawa ban pynneh ia ka kong A Nikhla kum ka Managing Director jong ka Meghalaya Transport Coporation (MTC) ka sorkar kam shym la sngap ia ka jingdawa ka jong ki.
Na ka liang jong ki nongtrei jong ka MTC haduh mynta ka sngi ki dang pynlong ia ka jingiakhih ka jong ki da kaba sangeh ka jingdie ia ki Tiket kali bad kum juh jong ka Helicopter ruh kum juh. Haduh mynta ka jan miet kam pat don kano kano ka hukum na ka sorkar ban pynneh ne pynsah ia kane ka MD kaba mynta.
Na ka liang jong ki nongtrei ka MTC ki pynsngew ba kane ka MD kaba wan mynta ka dang don ha kane ka kam tang kumba 9 bnai balei ka sorkar ka weng noh ia ka, kiba ka jingkylli hato ka sorkar ka kwah ban aiti noh ia ka MTC bad ia ki jaka puta jong kane ka coporation sha ki riew shimet.
Na ka liang jong ki nontrei ka MTC kila kynnoh ba ia ka jaka shna kali jong ka MTC kaba don ha sawlad Nongthymmai ka sorkar kala aiwai ia kane ka jaka sha ki riew shimet khlem ka jingmynjur jong ka Board of Director.
