Shillong, Naitung 30; Ka HYC Mawlai Umjaiur unit mynta ka sngi ka la pynlong ia ka jingsynreit dawai hapoh ka shnong. Kane ka jingsynreit dawai ka long shi bynta ka jingiakhun pyrshah ia ka Khlam COVID-19 kaba la pur sted hapoh ka jylla bad ka shnong ka dei kawei na ki containment zone kaba la ithuh da ka sorkar.
U Bah Kitbok Thabah nongai khubor seng Umjaiur Unit u la iathuh ba shuwa ban sdang ia ka jingsynreit dawai ka jingialang kaba lyngkot ia kaba la kren da u rangbah shnong bad kiwei ki nongkitkam shnong kila ia don lang, ia ka jingsynreit dawai na sdang na Block-I bad la pynkut haduh ka Block-5 kaba mut baroh kawei ka shnong.
Ka jingshim jong ka seng HYC ia kane ka sien jam ka long ka jingmyntoi ia ka shnong ka thaw namar ba kum kaba long mynta ka shnong Umjaiur kala shah pynbna ha ka sorkar kum kawei na ka Containment Zone u bah Klose Khyriem rangbah shnong u la ai ka jigniaroh ia ka seng bad u ai mynsiem ba kin dang lah ban trei ia ki kam hapoh ka shnong ba ia ka jylla ruh kum juh.
Ha ka jingkren u General secretary u Samla Lamphang Warbah u la kyntu ia ki nongshong Shnong ba kin nym sheptieng ia kane ka jingdon positive cases hapoh ka shnong, namar kito ki briew kiba dei ki direct contact Jong kito ki nongpang, hadien ba la ioh ia ka report ba nyngkong la pynpaw ba ki long negative, kyrmen ha kaba ar ruh kan long negative bad kit bok ba kin ioh noh ia ka jingkoit jingkhiah.
Ha kane ka sngi ka unit ka la ioh ruh ban ai Sngewbha ia u Stand Hand free sanitizer sha ka Durbar shnong bad ka shimti da u Rangbah Shnong Bah Klose Khyriem bad Bah W.Kharbudon secretary Shnong la ong u Bah Kitbok Thabah Publicity secretary HYC Mawlai Umjaiur unit ha ka kywoh kaba la phah mynta ka sngi.
