Shillong, Jymmang 05: Ka jingiakynduh lang kaba phra jong ki doctor kiba dei na ki kynhun shipai bapher bapher jong ka Ri India kala long ha nongbah Shillong ia kaba la sdang mynta ka sngi bad kan kut la shai, ia kane ka jingialang la pynlong ha ktem jong ki shipai BSF.
Ha ka jingkren jong u DG jong ki BSF u K K Sharma, u la ban jur ba ki shipai baroh ki dei ban don ia ka met ka koit kaba khiah bad ha ka juh ka por u la ong ba baroh ki kynhun shipai kiba don hapoh BSF ki dei ban but ia ka rukom pyniaid kaba thymmai na ka bynta ba kin long kiba bit ba biang ha ka liang ka ioh ka kot.
Ia kane ka jingialang mynta ka sngi la plied a u K K Sharma, IPS, Director General, BSF, ha kane ka sngi la pynlait paidbah ruh ia ka kot kaba lai ‘BSF Health Magazine 2017’ da u tei u heh duh jong ki BSF ia ka shap kaba ia dei bad ki dawa hapoh ka kynhun shipai ruh la pynlait paidbah mynta ka sngi ha dien ka jingkren pdiang da u Dr. H. L. Raskaran, IG, Director Medical.
Ha kane ka sngi la plie ruh ia ka shopping Comlex jongki BSF ha Umpling, ha kaba u IG jong ka North East Frontier u P K Dubey u la batai ia ka jinglong jongman jong ka shnong suk shongsain ha ka jylla Meghalaya ha khappud bad ka Bangladesh bad juh ha kiwei ki bynta jong ka jylla.
Haba ia dei bad ki lad jingiada ha khappud la ong ba dei ban logn kiba peitngor ban ia khun pyrshah ia ki nongleh kam sniew na shilliang jong u pud bad ka jingwan rung jong ki nongialeh pyrshah ia ka ri namar ba mynta ka sorkar Bangladesh ka beh kthong ia ki ban nym ailad ba kin ioh rung hapoh Ri India.
