Shillong, Nohprah 23: Ki District Police kila sdang ia ka jingap kdong ha ki bynta bapher bapher jong ka nongbah Shillong ban khanglad ia ka jingniah kali khlem akor ha kane ka por leh kmen Khristmas. Ia kane ka jingap kdong la sdang ha ka miet 22 tarik mynta u bnai.
Ha kane ka jingpynap kdong la ioh ban kem haduh 11 ngut ki nongniah kali khlem akor kiba la pynher sted ia ki kali ha dien ba kila buaid. Ki pulit kila kem ia ki bad dain kumna san hajar tyngka bad pyndoh noh ia ka laisen niah kali jong ki na ka bynta hynriew bnai.
Na ka liang jong ki pulit ki kyntu ia ki paidbah ba baroh ba kim dei ban niah kali ha dien ba kila dih buaid namar kane ka ialam sha ka jingmynsaw ia kiwei pat bad kane kan nym ktah ia kiba leit ban wan ha kane ka por leh kmen Christmas bad ka jingpdiang burom ia u snem thymmai.
