Shillong, Rymphang 12: Kum ka jingbteng ban iarap ia ki nongrep ha kane ka jylla mynta ka sngi u la sam ia ka jingiarap kaba T.1.86 klur sha ki 288 ngut nongrep ha Garo Hills ha ka jingialang kaba la long ha Tikrikilla ha West Garo Hills District.
Kine kiba la ioh ia kane ka jingiarap ki dei ki kynhun ia treilang ia kane ka skhim la sam kaba dei na ka FOCUS bad kane ka jingthmu ka long ban pynim biang ia ka rep ka riang bad kyntiew ia ka ioh ka kot jong ki nongrep ka jylla. Ka sorkar ka iohi ba ia ki nongrep ha kane ka jylla la leh klet baroh shi katta.
Ban kyntiew ia ka rep ka riang ka sorkar kala wanrah shibun ki jaidkam bad na ka liang jong ka sorkar kala antad ba haduh u bnai Lber jong u bnai ban wan ka sorkar kan lah ban iarap ia ki nongrep haduh T.17.28 klur bad ha kaba kut snem mang tyngka 2022-2023 kin lah ban sam ia ka pisa kaba T.130 klur bad 16,800 ngut ki nongrep kin ioh jingmyntoi.
U Myntri Rangbah ka jylla la ong ba ki nongrep ha ka jylla ki don 4.5 lak bad ka sorkar kala pyntrei kam ia ki skhim kiba ha rukom na ka bytna ki nongrep, ban iarap ia ki nongrep ka sorkar kala mang pisa T.200 klur ban iarap ia ki nongrep kiba don ha kylleng ka jylla.
Nalor kine ki jingiarap ia ki nongrep ka sorkar kala pyntrei kam ruh ia ka kam ri masi khem dud, kam ri sniang da ka jingiarap ha ka dur jong ka ram kaba khlem sut sha ki seng ia treilang ha ki shnong ki thaw.
La ong ba ha kine ki lai bnai kiba la leit noh ka sorkar kala sam T.120 klur bad u myntri rangbah la sam ruh ia ka ram kaba khlem sut mynta ka sngi kaba la kot sha ka T.29 lak tyngka bad ka skhim Community Investment Scheme la sam T.21 lakh. Na ka liang jong u mytnri rangbah la ong ba ka sorkar ka kwah ban trei na ka bynta ki paidbah.
