Shillong, Naitung 16: Ban pynlong ia ka Tura kum ka nongbah ba ar jogn ka jylla ka seng ACHIK kala pynlong ia ka jingiakhih da kaba soi kyrteng bad ka kyntu ia ki paidbah ba kin ia shim bynta ha kane ka jingiakhih.
Kane ka jingiakhih ka long ban pan ia ka jingkyrshan na baroh ki paidbah ha ri lum Garo ban wanrah ia ka roi ka par ha kiba bun ki liang, ha kane ka jingkylla ka por don kam ban wanrah ia ka jingylla ha ka imlang sahlang, ka ioh ka kot bad ka jigniadei bad ka mariang.
Ka seng ACHIK ka iohi ba dei tang kane ka jingiakhih paidbah da kaba ia soi kyrteng kan wanrah ia ka jingiatylli na ka bynta ka jingdon kam kiba man ka sngi bad kane kan long ka nongrim kaba khlain bha ba ki paidbah ki lah ban pynpaw ban dawa ia kaba ki don kam.
Da kaba soi kyrteng kan wanrah ia kawei k sur ban dawa, ban pynioh ia ki jaka pule kiba biang, ki jaka sumar kiba biang, ban ialeh ban pynneh pynsah ia ka mariang, pynneh pynsah ia ka riti dustur bad ban iada ia ka hok jong ki paidbah.
Ka ne ka jingiakhih da kaba soi kyrteng ka seng ka thmu ban pynthikna ba baroh ki briew kin ia shim bynta da baroh la ha ka jong ka jong ka rta, ne na kano ka kynhun kaba ki wan, kum ka seng ka shim ba baroh ki don ia ka bytna ban noh syniang lang la ong u Thomas M Marak General Secretary of Krima Council, ACHIK.
