Shillong, Nohprah 06: Ban pynsuk ia ki paidbah ban ioh ia ki khutia na ka liang ka ophis jong u u Deputy Commissioner da ka jingiatreilang ka SBI bad ka UBI kin pynlong ia ka “Coin Mela” kajingiakylliang pisa khutia ha ka sngi iewmusiang ha ka 12 tarik mynta u bnai bad kan sdang naduh ka por 10 baje mynstep.
Ka 12 tarik ka dei ka sngi shuti hynrei ka SBI bad ka UBI kila mynjur ban ia shnoh kti lang ban pynsuk ia ki paidbah ban pynioh ia ki pisa khutia , lada don mano mano ba kwah ban ia kylliang ia ki pisa khutia jong ki kilah ban leh ha katei ka sngi ban ioh ia ka lut san spah bad ka lut ar hajar.
La ong ba ki paidbah kilah ban ia kylliang ha katei ka sngi katba ki sngewbit bad ka kot shispah kan long kaba rit duh, kan nym don kano kano ka jingkhang ia kiba kwah ban shim pat daki pisa khutia ki lah ban shim katba ki sngewbit. La ong ba ki paidbah kim dei ban khuslai namar kapisa khutia ka don.
