Shillong, Jylliew 28: Ka tnad trei kam jong ki kynthei jong ka seng Congress ia kaba la tip kum ka Meghalaya Pradesh Mahila Congress (MPHC) kala rai ba kin pynlong ia ka jingiaid paidbah ha ka 1st Naitung 2017 ban pyrshah halor ka jingshah kren bein ka long kmie Khasi ha nongbah Delhi.
Na ka liang jong ka MPMC kan pynlong ia kane ka jingiaid paidbah ban pyrshah ia kane ka jingleh jong ki nongpyniaid ka Golf Club Delhi tang namar ba ka riam jainsem ka riam tynrai kala shah beh na katei ka jaka tid golf.
Ka jingiaid paidbah kan sdang na Congress Bhavan ha ka por 11 baje mynstep bad kin pynkut ha Additional Secretariat ha kaba kin sa pynlong ia ka jingialang paidbah. Na ka liang jong ka MPMC ka khot ia kawei ia ki paidbah ba kin wan ban ia shim bynta lang ha katei ka sngi.
