Shillong, Naiwieng 27: Ban pyrshah ia ka rai jong ka sorkar u Narendra Modi ha kaba ia dei bad kane ka jingweng ia ki pisa rim T.500 bad T.1000 na iew na hat, ka seng Congress ha kane ka jylla Meghalaya kan pynlong ia ka jingiakhih shong kyllain mungor la shai ka sngi ha jaka ieng kali ha Dhankheti.
Kane ka jingiakhih ka long b aka Congress la shai ka sngi ha Ri India baroh kawei kala khot ia kane ka jingiakhih ban dawa na ka sorkar ba ka dei ban weng noh ia kane ka jingweng noh ia ki pisa rim. Ha ka jingshisha ka Congress bad kiwei ki party kila kwah ban khot ia ka Bharat Band kata ka pakhang shnong ha ka ri baroh kawei.
Hynrei mynta ka sngi na ka liang jong ka seng Congress kala kylla noh na ka jingthmu ba rim bad kin pynlong noh tang ia kane ka jingiakhih shong kyllain mungor , ha kane ka jylla ki nongkyrshan jong ka seng Congress kila rai ban pynlong ia kane ka jingiakhih ha ka jaka ieng kali ha Dhankheti bad kins dang ha ka por 10.30 baje mynstep.
