Shillong, Nailur 12: Ha kaba ia dei bad ka jingioh kem jong ki pulit ia ki hynriew ngut ki briew kiba la lap ba ki don ia ki pisa thok kaba hap hapoh jong ka jingpeit jong ka Byrnihat Police station kine baroh ki dei na ka jylla Assam.
Ka kyrteng jong kiba la shah kem ki long ,Manirul Ansari 30 snem na Goalpara, Assam, u Md. Ismail Ali 28 snem na Tinsukia, Assam,u Monosh Gogoi 28 snem na Dibrugarh, Assam, u Firoz Khan 31 snem na f Tinsukia, Assam, u Raju Lama 39 snem na Lower Dibang, Arunachal Pradesh bad u Hamidul Ali 25 snem Kamrup, Assam.
Na kine ki briew ki pulit kila ioh bankurp ki kot san spah T.28,500 tyngka, shi song ki kot karbon, shi song ki kot kiba la de pot ha ka jingheh haka lut T.1000 tyngka bad 25 tylli ki kot karbon kiba la ot ha ka jingeh kat ka lut shihajar tyngka.
Ki pulit kila bat ruh ia kawei ka synduk ba shu pyntyllun na ka iing ba sah wai u Md Feroz Khan bad u Md. Manirul Ansari. Na kine ki pulit kila ioh bankurup ruh lai tylli ki kali, kawei ka kali Chevrolet Spark-AS-18B-8114, ka Volkswagen Polo-ML-10A-8055 and bad ka ) Bolero-AS-23P-7541 na ka jaka sah jong kine ki briew ba la ioh ban kem.
