Shillong, Naitung 19: Ka ophis jong ka Sub Diviisonal Ophisar jong ka Sohra Civil Sub Division kala pyntip ba baroh kito kiba ioh ia u khaw Ratin hapoh ka skhim National Food Security Act (NFSA) ki dei ban pyniasoh ba du Aadhaar number.
Kito kiba ym pat don ia u Aadhaar kin hap ban leit shon Aadhaar ban ioh ia kane ka jingiarap khaw Ration, ynda kila ioh ia u Aadhaar kin hap ban leit rah sha ophis jong u SDO Sohra.
Kito kiba la don ia u Aadhaar ne kiba dang phah shon ynda kila ioh ki lah ban leit rah sha ophis jong u SDO Sohra lane ki lah ban phah lyngba ki dukan ration kiba don ha ki shnong ki thaw ka jong ki.
