Shillong, Naitung 22: Mynta ka sngi katba ka jingialang paidbah ha shnong Khanduli ka dang iaid kynsan kynsan la iohi ba ki don ki briew kiba la wan tur sha ki ar ngut ki khynnah ap masi bad la kynnoh ba kitei ki briew kiba dei ki karbi ki mut ban rahbor ia ki khynnah ap masi bad 20 tylli ki masi.
Ha kane ka jingjia ki dkhot ka KSU kiba don ha katei ka jaka kila ioh ban beh krad ia ki briew na karbi bad ki khynnah kila lait na katei ka jingthmu ba siew jong ki briew kiba na karbi, la kynnoh ba kane ka jingleh dei ka buid banpynthud ia ka jingialang.
Ka jingialang kaba la long mynta ka sngi kala iaid beit ha ka jingdon lang ki pulit na ka jylla Meghalaya ban peit ba kan nym don kano kano ka jingthud bad ban pynthikna ba kan don ka shnong suk shongsain ha katei ka jaka. Na ka liang jong ki bor jong ka District Administration kila pynkhlain ia ka jingpeitngor.
