Shillong, Nailur 12: Ka Executive committee jong ka Garo Hills Autonomous District council (GHADC) mynta ka sngi kala shim ia ka rai kaba tyngeh ba ki nongtrei ki dei ban wan trei noh baroh ha ka sngi Balang, lada kim wan kin ngat ha ka jingeh, la ong u Dipul R Marak Em incharge Civil work.
Haba kren ha u SP News Agency , lyngba ka phone u la ong ba bun kinongtrei jong ka GHADC mynta ka sngi kila wan sha jingtrei ha dien ba kila sngewthuh ia ka jingeh jong ka District Council, ha ka juh ka por ka EC mynta ka sngi kala shim ia ka rai ba kino kino ki nongtrei kiba khlem wan trei ha ka sngi Balang ki la lah ban shah pynshitom haduh ba kin weng ia ki na ka kam.
Ka executive committee, ka sngewthuh ia ka jingeh ka jong ki nongtrei jong ka GHADC ha kaba ia dei bad ka tulop ka jong ki, hynrei na ka liang jong ka EC kala dep ban kular ia ki ba kin siew ia ka tulop jong ki hapoh ka shibnai hynrei kim sngap, ia kito ki bym sngap kan EC kala pynmih ia ka hukum mynta ka sngi ba baroh ki dei ban poi trei ha ka sngi Balang.
Na ka liang jong ki nongtrei ruh ki dei ban sngewthuh ia ka jingeh jong ki paidbah namar ka jingdon kam jong ki paidbah hapoh jong ka GHADC ka long man ka sngi, khamtam eh ia kito kiba hap ban ioh jamin, kane ka jingbym ia trei lang jong ki nongtrei kala ktah wat ia ka jingsam umbam umdih hapoh jong ka sor Tura.
