Shillong, Iaiong 14: U Chief Secretary jong ka jylla u la kyntu ia baroh kito kiba la leit sha Bethany Hospital Shillong ha ka 22 tarik Lber haduh mynta, kum juh ia kito kiba leit sha Bethany Hospital Nongpoh ha ka 30 tarik Lber haduh ki dei ban pyntip sha ka sorkar da kaba register ha u number 108 bad kum juh ha ka website. www.meghalaya.online.gov.in/covid
Ha dien ba la bun palat ki nongpyntip sha katei ka number 108 ka sorkar kala buh ruh sa u wei u helpline number 1070 bad lada ki paidbah kin ioh ban phone ha u number 108 kin phone ha u 1070.
U Chief Secretary u la bthah ia baroh kito kiba la don ka jingiarung ia mih hapdeng kitei ki tarik hapoh katei ka Hospital ba kin shong khop ha iing khlem da ia khleh bad kiwei bad ki briew jong ka sorkar kin sa peit ia kaba don kam.