Shillong, Risaw 17: U Deputy Commissioner jong ka East Khasi Hills u Bah PS Dkhar mynta ka sngi u la khot ia ka jingialang ia ki lai mamla, ka Lafarge Kompeni, ka Dorbar shnong Nongtrai bad ka KSU Nongtrai unit ban ia kren halor ki kam kiba ia dei bad katei ka company.
U Bah T Lyngdoh Gennral Secretary jong ka SWKH District u la pynpaw ia ka jingsngewnguh ia u Deputy Commissioner jong ka East Khasi Hills District u ba la khot ia kane ka jingialang ban ia kren markhat wat la ka jingiakren kam shym la poi sha ei shaei ruh.
U la ong ba ha kane ka jingiakren na ka liang jong ka Lafarge bad ka Dorbar shnong kala don ka jingiatehkular, hynrei kim lah ban sam paidbah namar kala don ka jingiabuh kyndon hapdeng ka shnong bad ka Lafarge, Hynrei na ka liang jong u Deputy Commissioner u la bthah ban pule ha khmat jong ki paidbah ia kane ka jingiateh kular.
U Bah B Lyngdoh haba kren ha ki nongthoh khubor ha dien ba la wai ka jingialang u la ong, ba “ngim lah ban len ba kala don ka jingiapan kam bad shuwa ba kin pan ma ki, nga la pan shuwa ma nga, u CEO jong ka Lafarge na Dhaka u la ong ba ia mynta ym pat lah ban, ap shuwa”.
Haba ia dei bad ki kot ki sla, “ Kala don ka rai jong ka dorbar shnong bay n nym lah ban ai kotpi hano hano lait tang u trai shnong bad lada don kam u lah ban wan peit ia ki kot ki sla” Kane ka long ka jingkren jong u Rangbah shnong mynta ka sngi ha dien ka jingialang bad u DC,
