Shillong, Nailur 01: Ka seng KHNAM mynta ka sngi kala thoh sha u Chief Executive Member Khasi Hills Autonomous District Council, halor ka jingbym biang ki trading license jong ki company kiba trei kam bad ka sorkar jylla.
Ha kane ka shithi kaba la thoh sha u CEM jong ka KHADC, la ong ba Ka Khun Hynniewtrep National Awakening Movement State Youth Wing ka la leit ban jurip ia ki company bad ki shopping mall ki ba don ha sor Shillong, bad ha ka jingjurip la lap ba ka ophis jong ka Relience kaba don ha bad ka show room Pantaloon kaba don ha jan madan iewrynghep
Na ka liang jong ka KHNAM ka lap ba kine kim don ia ka trading licence iaka ba la kubur da ki trai jong kine ki jaka ha ka jingleit jurip jong ka seng. Kine ki company ki la khaii la slem bha mynta bad ngi dap da ka jinglyngoh ba kumno ki ioh lad ban khaii khlem da don ia ka trading licence na ka KHADC, kane ka pynglong ruh ban pyrkhat ba lehse don mano re mano kiba ioh nong naka ba ailad ia ka jingkhaii khlem trading licence.
Kane ka dei ka jingbym lah jong ka KHADC ban teh lakam ia kum kine ka wanrah ia ka jingduh nong ba khraw ia ka Council bad ka long ka jingai lad ia ki riew shim kabu. Ka seng ka pyrshah jur ia kane bad ka seng ka kyntu ia u CEM ban sngewbha ban leh ia kaba donkam katkum ki kyndon ba la don.
Ka KHNAM ka ngiet ba lada ka KHADC ka leh ei ki kyrmen ka jingshimkhia ka jongp u CEM kan long ka jingmyntoi ia ka council bad jingkhanglad ia ki riew shim kabu. Laong u Bah Thomas Passah president Youth Wing.
