Shillong, Naitung 17: Mynta ka sngi u Vice Chairman ka seng Hynniewtrep National Liberation Council (HNLC) u bah Damanbha Jyrwa bad u we u dkhot ka seng kila leit buh syntiew ha khmat u dur mot jong u Syiem Tirot Sing Syiem u ba don ha Mawdan Iewrynhep ban pyndom burom ia kane ka lyngkhuh sngi iap ba 188 snem jong u Syiem Tirot Sing.
Na ka liang jong ki nongialam ka seng HNLC kila buh ia u Syntiew kum ka dak jong ka jingburom ia u Syiem ba khraw jong ka jylla Ri Khasi u bala ia khun pyrshah ia ki phareng kiba la thombor ia ki khun ki hajar jong ka hima Nongkhlaw katba ki dang shna ia ka surok na Assam sha Shyllet lyngba ki lum khasi.
Kane ka dei ka sien kaba nyngkong ba ki nongialam jong ka seng kila ioh ban pyndon burom ia u riew khraw jong ka jaidbynriew khasi, kumba ka long mynta ka don ka jingiakren ia suk hapdeng ka seng bad ka sorkar kaba dang iaid sha khmat.
