Shillong, Nailur 03: Ki shipai Border Security Force kila pyntip ba haduh mynta ka sngi kila buh bah ki samla shynrang bad kynthei kiba la wan ban thep kyrteng ban ioh ruh ha kane ka kam shipai BSF kaba la mang kyrpang tang ia ki riew lum kane ka jylla Meghalaya.
Ki jaka banthep kyrteng la buh kawei ha ktem ki BSF ha 200 Bn Dhanakgiri, Tura bad kawei pat ka jaka ka long ha SHQ BSF Mawpat, Campus Shillong, kane ka kam ka long ban trei na ka bynta ban ia da ia la ka jong ka ri.
Naduh ka sngi kaba nyngkong haduh mynta ka sngi la iohi ia ka jingtuid ki samla ban ioh thep kyrteng ha kane ka kam shipai ban shakri iala ka jong ka ri kumba ka long ha duh mynta ka jingwan thep kyrteng ka long ha ka ratio 70:30 kynthei bad shynrang.
Ha kane ka sngi kaba ar la ioh ba bun bah ki samla kila ia wan kynthup na ki shnong kiba jngai bah, kane ka kren shai ba ki khun samla kane ka jylla ki long kiba kloi ban shakri ia la ka jong ka ri lada plie ka lad.
Kane ka lad ka dei ka kabu na ka bynta kito ki khun samla kiba don ka jingthrang ban shakri iala ka jong ka ri ban iada ia la u pud u sam ka ri, da ka jingshlur, ka jinglen lade bad ka jingaiti namar ka ri.
Kane ka jingkhot pynrung kam ka long ka jingplie ia ki khunsamla kane ka jylla ba kin ioh ban ai ka jingiada iala u jong u pud u sam bad kine ki shipai ha ka BSF kaba kin khot mynta kin don ka bynta kaba khraw na iada ia u pud u sam jong ka Ri.
