Shillong, Naiwieng 02: Mynta ka sngi la pynbna ia ka ilekshon MLA shiteng samoi ha baroh lai tylli ki Konstitwensi ha kane ka jylla Meghalaya ban jied thymmai ia ki MLA ban pyndap ia ki jaka ba thylli.
Katkum ka jingkhein jong ka ECI kaba la shim ia ka jingkhein, ia ka jingioh vote jong ki party ha kane ka ilekshon MLA shiteng samoi ha ka jylla Meghalaya kala paw ba wat la ka party congress ka rem hynrei ka vote kala ioh bun palat ban ia kiwei ki party.
Katkum ka jingkhein, ka INC kala ioh 36.18%, ka NPP kala ioh 36.13%, ka UDP kala ioh 23.85%, ka BJP kala ioh 0.39%, kiwei ki kyrtong kila ioh 2.73% bad kiba thep sha ka NOTA ki long 0.71%.
Ha kane ka ilekshon shiteng samoi ka INC bad ka NPP kala pynieng kyrtong ha baroh lai tylli ki konstitwensi, ka UDP kala pynieng ha ki ar tylli ki konstitwensi, Rajabala bad Mawphlang, ka BP kala pynieng tang ha Rajabala, ki konstitwensi ba don ki kyrtong shimet dei tang ha Mawryngkeng bad Rajabala.
Ka kong Amapreen Lyngdoh ka nongalam jong ka seng Congress kala ong ba wat la ka party kam shym la jop ia ka ilekshon hynrei ka jingkiew jong ka jingioh vote ha ki lai tylli ki konstitwensi ka long ka jingkyrmen ia ka party ha u snem 2023.
