Shillong, Naitung 30: Ki paidbah nongshong shnong naduh Pomlum sha duh Dawki kila kynduh jingeh shisha namar ka jingsniew palat ka surok, ha kaba bun ki kali rit ban poi sha Dawki bunki hap ban iaid lyngba ka shnong Mawlynnong.
Ki nongshong shnong kiba dei iaid lyngba kane ka surok Shillong Dawki kila shem jingeh ha ka leit ka wan namar kala jubor ka jingsniew, bun ki riew paidbah ki pynpaw ba ki sngewthuh haba shna ka don ka jingthut hynrei mynta ka jingsiew ka long palat.
Kaba palat eh ka jingsniew ka surok ka dei na shnong rum Mawshuh sha duh Umsyiem bad kane kala pynlong ia ki nongniah kali ki kali rit ban kiar ia katei ka jaka wat la ka jngai hap iaid lyngba ka shnong Mawlynnong ban poi dawki.
Ka jingkylli kaba ki paidbah ki buh ia ka tand shna surok jong ka sorkar bad ia ka NHIDCL balei kane ka jingsiew ka jia haduh katne hato kam don kata ka jingmaramot ia ka surok ne ba la bun tylli ki trok kit maw, la h ban kdew ba ia ka ne ka surok la bei pisa da ka JICA na Ri Japan.
