Shillong, Nohprah 08: Kawei ka kali kit petrol kaba dei ban leit sha ka jylla Mizoram kala kyllnoh Mukakhu ha jan Ladrymbai kaba hap hapoh jong ka East Jaintia Hills District bad ha kane ka jingkylla ka umphniang kala tuid sha bar jong kane ka trok.
Ki paidbah kiba iohi ia kane kila rah ia ki klong bad ki khiew ban pdiang ia kane ka um phniang kaba tuid na kane ka kali bad ha kane ka jingiaknieh umphniang kane ka kali kala kem ding kynsan bad ha ka jingiaphet krad bun bah ki briew kila mynsaw.
U heh pulit jong ka East Jiantia Hills District u la iathuh ba kila ioh ia kane ka jingtip ba ki ba bun ki briew kila mynsaw hynrei haduh ba thoh ia kane ka khubor ym shym don kiba la leit ban ujor sha ki pulit. Na ka liang jong ki pulit ki dang wad jingtip ha kaba ia dei bad kane.
La iathuh ba na ka liang jong ki pulit mar mar kila phah ia ki kali pynlip dieng ban tem ia ka jingklang jong ka ding, kaba pynlyngoh ia ki pulit mynta ka long ba u nongniah jong kane ka kali bad u nongbut kila phet krad na kane ka jaka ki pulit ki dang wad ia ki mynta.
