Shillong, Nohprah 24: Ka jingrakhe shityllup ka pyrthei ia ka sngi kha jong u trai Jisu kan long shibit mynmiet bad bun na ki paidbah khamtam ki riew ngeit Khristan kila pynkreh ia lade ym tang ha kaba ai rong ia ki iing ki sem ne ban wah ia u khlur hynrei lyngba ki jingduwai ban pdiang ia ka Khristmas kaba dei ka sngi kha ia u Trai Jisu nongpynim.
Ha kine ki sngi ka jingtuid jong ki paidbah, kahmtam eh ha Khyndailad ban thied ia ki jain ki nep ban ioh phong ha kane ka Khristmas bad ka jingtuid sha Iewduh ban thied ia ki jingdon kam ha ki iing ki sem ka long ym tang ki briew kiba sah ha kane ka nongbah Shillong hynrei wat kiba na ki nongkyndong bapher bapher jong ka Ri Khasi Jaintia.
Ha kane ka jingialeit siew ia kaba la ia tip kum ka Iew Khristmas bun na ki riew shim kabu kila lute ia ki nongleit iew leit hat da kaba kloh ia kip la jong ki briew, kane ka jingshah kloh pla kiba bun ki la ngat ha ki bynta jong ka khyndai lad bad kumjuh ha Iewduh bad ki nongkloh pla kila shim kat ia kaba ki ioh la ka dei ka Mobile ka Pisa.
Bun na ki nongleit siew leit tda kila ud ia kane ka jingshah kloh ha ki nongtuh nonglute kiba la ap kliaw ia ki briew kiba khlem da phikir bha ia la ki jong kip la ki jong ki ha kaba leit iew leit hat bad kiba bun kiba la shah thuh ha kine ki nongkloh pla ki dei ki mobile bad ka pisa.
