Jowai, Jylliew 21: Ki samla pule jong ka kiang Nangbah Government College Jowai, kila sngewbitar ia ka jingbym ioh rung class palat hajar ngut ki samla pule hapoh kane ka college na ka daw jong ka jingbym don jaka, ban pynbor ia ka sorkar ba kam dei ban pynduh klass ia kine kiba la pass kiba khlem pat ioh rung class haduh mynta la shai ka sngi kin leit ban tur sha ophis jong u deputy Commissioner jong ka West Jiantia Hills.
Katkum ka khubor kaba laioh na ki nongialam jong kane ka college kila iathuh ba kin sdang ban ia lum ha khmat jong ka college ha ka por 10 baje mynstep bad nagntei kin iaid paidbah haduh ban da poi sha ophis jong u Deputy Commissioner jong ka West Jaintia Hills District.
Na ka liang jong ki samla pule kane ka college ki la kyrpad ia ki kmie ki kpa jong ki samla pule bad ki paidbah ba kin ia don lang ha kane ka sngi ban ia shimbynta ha kane ka jingleit tur sha DC ophis ban dawa ba ka sorkar ka dei ban pynioh rung class ia baroh kiba khlem pat ioh haduh mynta.
