Shillong, Mohprah 21: Ki nongtrei jong ka Meghalaya Transport Corporation (MTC) kaba dei jong ka sorkar Meghalaya mynta ka sngi kila ia mih madan ban ia khih ha phylla trei kam jong ka ha khyndailad da kaba shong ha phyllaw ban pynpaw ia ka jingbym leh ie ie jong ka sorkar ban siew ia ka tulop ka jong ki mynta la bun bun bnai.
Naka liang jong ka seng Meghalaya Transport Corporation Union (MTCU) mynta ka sngi kila rah ia la ki placard ha khmat jong ka ophis ban thoh pyrshah ia ka jingleh jong ki bor ba dei peit ia ka MTC bad kum ba kala paw na ka jingiakren hapoh jong ka Board kane ka Corporation jong ka sorkar ka don ha pdeng jong ka jingduhnong.
Na ka liang jong ki nongtrei jong ka MTC ki dawa na ki bor ba die peit b aka dei ban siew ruh ia ka kynja bai bam tynmen ia kiba la shong thait kiba dei hok ban ioh, hynrei ia kane ruh ki ioh namar ba ka Board kam don pisa kumta kam shym la lah ban siew ia ki nongtrei.
Ki nongtrei jong ka MTC mynta ka sngi kila pynlong ia ka jingiakhih ka jong ki da kaba shong ha khmat jong ka iing jong ka MTC building kaba don ha khyndailad bad rah ruh ia ki placard ha kaba la thoh ba ki pynrem ia ki bor ba dei pyniaid ia ka MTC.
