Shillong, Rymphang 20: Mynta ka meit ia kala don ka jingiakynduh ba kyrkeih jong ki nongialam jong ka UDP ban ia kren halor ka sain pyrthei hapoh jong ka KHADC ha kaba ka UDP ruh ka dei kawei na ki party kiba ia don lang ha kane ka Executive Committee kaba la ialam da u Bah PN Syiem kum u CEM hapoh ka lama jong ka PDF.
Ha kane ka jingialang na ka liang jong ka UDP kala shim ia ka rai ban leit ujor sha u Lat jong ka jylla ban phah tohkit halor ki ki khyndai tylli ki mat kiba ka seng kala pan jingpynshai na u CEM jong ka KHADC bad kim hun ia ka jingpynshai bad ki kynnoh ba kala don ka jingiabam sap hapoh kane ka jingialam jong u Bah PN Syiem kum u CEM.
Ha kane ka jingialang kaba la long mynta ka miet kila shim ruh ba lada kam poi sha kaei kaba ki angud na kaliang jong ka UDP kala lah ban weng noh ia ka jingiatreilang bad ka PDF hapoh jong ka KHADC, ha dien kane ka dorbar mang tyngka kaba la sdang mynta ka sngi.
