Jowai, Jylliew 26: Ka ophis jong ka District Social Welfare Officer, (DSWO) West Jaintia Hills District haka jingiatrei lang bad ka ophis jong ka District Chils Proctection Unit Socio and Economic Life Development Association, Jowai ryngkat ka Voluntary Health Association of Meghalaya, Jowai Unit, kila pynlong iaka jingrakhe ia ka International Day Against Drugs and Illicit Trafficking da ka jingiasnohkti lang ki samla pule Coolege ki khynnah skul kumjuh ruh ki seng trei mon sngewbha da kaba ki la sdang ia kane ka prokram da ka jingia iaid kjat (Rally) kaba la sdang naduh Madan Daimasi Ladthalaboh ter ter shaduh District Library Auditorium mynthong Jowai.
Shwa ban sdang ka jingiaid kjat (Rally) kaba la wan ban iashim bynta da 10 tylli ki kynhun kynthup ia ki skul, College kumjuh ruh ki sengtreimon sngewbha (NGO) jong ka nongbah Jowai, ha kaba ia ka lama la kaweh da Superintendent of Police (SP) West Jaintia Hills District u bah H.G.Lyngdoh. hadien ba la poi ha District Library Auditorium la don ka jingiakop kyntip (Quize) halor ka phang “A massage of Hope: Drugs Use Disorder are Preventable and Treatable” kaba la pyniaid da ka miss Dakapaya Bareh Conselorper VHAM, Jowai, kaba la shim bynta da san tylli ki skul, ha kane ka jingiakop ia ka kyrdan ba nyngkong la ioh ban rah da ka Miss Iutran Passah bad u Mr Anjani Singh na ka North Liberty Higher Secondary School, Jowai, ia ka kyrdan ba ar la ioh ban rah da u Mr Du-iatra Challam bad Mr Nehemiah Sungoh na ka skul Sein Raij Higher Secondary School, Jowai bad ia ka kyrdan balai pat la ioh da u Mr Barister Swer ka Miss Bianghun Kyndait naka Government Boys Higher Secondary School, Jowai.
Mynta ka sngi la don ruh ka jingialang bala pyniaid da ka kong neini Pakma Progrmme Manager VHAM, Jowai ha kaba u bah P.S.Dkhar Deputy Commissioner West Jaintia Hills District ha ryngkat ka jingiadon lang u Dr B.Plain, bah P.Syiem MPS Deputy Superintendent of Police Jowai lem bad kiwei kiwei de.
U kongsan haba kren mynta ka sngi u ai khublei ia ki sengtrei mon sngewbha kiba la ialeh shitom na ka por sha ka por ban wad ki lad ki lynti ha ka ban ai ka jingiada bad wanrah biang ia ka jingim bathymmai jong kito kiba la kyrni bad haka jingdih buaid. U ong ruh ba ngi dei don ka mynsiem iatreilang ha ka ban iarap ia kito ki briew kiba la kyrni haka jingdih khang ban lait bad wan phai pat sha ka jingim kaba thymmai.
Mynta ka sngi la don ruh ka jingialehkai lyngkot da ka Mihmyntdu Community and Social Welfare Asociation Jowai bad ia ki khunsnam sha ki nongjop haka jingiakop quize la sam da u kongsan bah P.S.Dkhar.
Ha ka jingiadei bad kane ka sngi ka Social for Urban and Rural Empowerment (SURE) haka jingiatreilang bad ka Meghlaya Aids Control Society (MACS) ki ruh ki la pynlong ia kane ka prokram da ka jingai jinghikai sha ki samla pule ka Kiang Nangbah Government College Jowai.
Ha kane ka prokram ha katei ka College la pyniaid da u ma H.H Mohrmen President ka SURE, Jowai, bad u kong u dei u bah A.A.Shullai Em JHADC haka jingiadon lang ka kong S.M.Laloo I/C Pricipal KNG College, Jowai, bah G. Wahlang Officer na SP office, kong D.Bareh Conselor from VHAM lem bad kiwei kiwei de ki riew shemphang.(SP News)
